Policia e Kosovës ka njoftuar se është arrestuar një person i dyshuar për veprën penale shantazh. Të njëjtit i sekuestrohet një armë zjarri.
“Sot rreth orës 08:30, në stacionin policor të Podujevës, është raportuar një rast shantazh, ku dyshohet se një person ka shantazhuar viktimën (femër), me publikimin e disa fotografive në rrjete sociale”, njofton Policia e Kosovës.
Policia njofton se mbështetur nga njësitet policore të Rahovecit, në koordinim me prokurorin, është ndërmarrë një operacion në një fshat të Rahovecit, ku është arrestuar personi i dyshuar.
“V. K, mashkull, 22 vjeç, shtetas i Republikës së Kosovës, si dhe është sekuestruar një armë zjarri”, thuhet në njoftimin e PK-së.
Tutje, bëhet e ditur se personi i dyshuar me rekomandimin e prokurorit të shtetit, është dërguar në qendrën e mbajtjes për 48 orë.