Policia e Kosovës ka njoftuar se është arrestuar personi i kërkuar me urdhëresë të gjyqësore në Gjilan.
“Drejtoria Rajonale e Policisë Gjilan, Stacioni Policor Gjilan me datën 24.01.2023 në kuadër të planit operativ për realizim të urdhëresave gjyqësore ka arrestuar personin e kërkuar kosovar E.Sh. (1978)”, njofton Policia e Kosovës.
Policia ka bërë të ditur se personi i arrestuar ishte i kërkuar në bazë të urdhëresës së lëshuar nga Gjykata Themelore Gjilan me dënim burgimi prej 120 ditësh për veprën penale ‘’Lëndim i lehtë trupor’’.
“Pas përfundimit të procedurave i njëjti është dërguar në vuajtje të dënimit”, thuhet tutje në njoftim.
Mes tjerash njoftohet se “Drejtoria Rajonale e Policisë në Gjilan do të vazhdojë me realizimin e urdhëresave ndaj personave që ende nuk i janë përgjigjur thirrjes së gjykatave”.