Policia e Italisë, të hënën, ka arrestuar bosin më të madh të drogës në këtë vend, Matteo Messina Denaro, i cili ishte në arrati për më shumë se 30 vjet.
Denaro u arrestua në Palermo, ndërsa është i dënuar në mungesë me burgim të përjetshëm për rolin e tij në vrasjen e prokurorëve antimafia, raporton Reuters.
Po ashtu, ai përballet me një dënim të përjetshëm për rolin e tij në sulmet me bomba në Firence, Romë dhe Milano.
Siç raporton Reuters, në shtator të vitit 2022, ai ishte ende në gjendje të lëshonte komanda në lidhje me mënyrën se si drejtohej mafia në zonën përreth qytetit perëndimor sicilian të Trapanit, bastioni i tij rajonal, pavarësisht zhdukjes së tij prej kohësh.