Një shtetas serb është arrestuar pasi dyshohet se ka tentuar t’u japë ryshfet zyrtarëve policorë kufitarë në Pikë Kalimin Kufitar në Bërnjak.
Policia e Kosovës ka njoftuar se rasti është trajtuar nga Drejtoria për Hetimin e Krimeve Ekonomike dhe Korrupsionit në Mitrovicën e Veriut.
“Policia e Kosovës, përkatësisht Drejtoria për Hetimin e Krimeve Ekonomike dhe Korrupsionit në Mitrovicë Veri, ka pranuar informatë se në Pikë Kalimin Kufitar Bërrnjak i dyshuari mashkull, shtetas serb, ka tentuar t’u japë ryshfet zyrtarëve policorë kufitarë”, thuhet në njoftimin e Policisë.
Sipas Policisë, pas pranimit të informatës janë ndërmarrë veprime të menjëhershme policore.
“Lidhur me rastin janë ndërmarrë veprime të menjëhershme policore, ku me udhëzim të prokurorit kompetent i dyshuari i lartcekur dhe dy dëshmitarë janë intervistuar”, thuhet më tej në njoftim.
Gjatë veprimeve policore, nga i dyshuari është sekuestruar përkohësisht një bankënotë, e cila dyshohet se ishte destinuar për t’u dhënë si mito zyrtarëve policorë.
“Nga i dyshuari është sekuestruar përkohësisht bankënota që dyshohet se i dyshuari ka tentuar t’i jap si mito zyrtarëve policor”, njofton Policia e Kosovës.
Me vendim të prokurorit kompetent, i dyshuari është dërguar në ndalim policor për 48 orë.
Rasti është duke u hetuar nga organet kompetente.