Arrestohet i dyshuari për posedim të 16 kilogramëve marihuanë

Policia e Kosovës, ka arrestuar një person, shtetas të Shqipërisë, për posedim të 16 kilogramëve të llojit marihuanë

Ilustrim

Policia e Kosovës, të premten e 20 majit, ka njoftuar se është arrestuar i dyshuari (shtetas i Shqipërisë) për posedim të 16 kilogramëve marihuanë, i cili ishte i kërkuar edhe nga autoritetet e Shqipërisë dhe Italisë.

“Në orët e mbrëmjes së enjtes në Prishtinë, Policia e Kosovës me njësitet për hetimin e trafikimit me narkotik, pas hetimeve intensive ka realizuar operacionin policor “Rrufeja” i cili ka rezultuar me arrestimin e personit të dyshuar A.K. shtetas i Republikës së Shqipërisë, i cili gjithashtu posedonte dokumentacion të Republikës së Kosovës, mbi dyshimin e bazuar për posedim të 16,780 kg substancë narkotike të llojit marihuanë” thuhet në njoftimin e Policisë.

Më tutje në njoftim thuhet se bazuar në urdhëresën e organeve të drejtësisë operacioni policor ka vazhduar me kontrollimin e lokacionit ku i njëjti banonte, me ç‘rast janë konfiskuar një valixhe me 31 paketime substancë narkotike, një qese e najlonit me substancë narkotike të dyshuar të llojit marihuanë, ku pesha totale kishte arritur rreth 16.780 kg, si dhe janë konfiskuar para kesh 100 euro, dy telefona celularë, dy pasaporta të Shqipërisë, një letërnjoftim i Kosovës, dy patentë shoferë, njëri i Shqipërisë dhe tjetri i Italisë.

Po ashtu, Policia e Kosovës ka siguruar informacione se personi i dyshuar tani më i arrestuar, dyshohet se është i kërkuar edhe nga autoritetet e Shqipërisë dhe Italisë.

Me aktvendim të Prokurorit të Shtetit, i dyshuari është dërguar në qendrën e mbajtjes, për përfshirje në veprën penale “Blerja, posedimi, shitja ose shpërndarja e  paautorizuar e narkotikëve, substancave psikotrope ose analoge”.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika