Është arrestuar një i dyshuar serb, sepse gjatë kontrollit të automjetit (me targa vendore) kanë sekuestruar një pistoletë dhe një karikator në Gjilan.
“Gjatë kontrollit të automjetit nga ana e zyrtarëve policor është gjetur dhe sekuestruar një (1) armë pistoletë e kalibrit 9 mm. dhe një (1) karikator të cilat do të përdoren si dëshmi për gjykatën”, thuhet në njoftimin e Policisë së Kosovës.
I dyshuari është arrestuar, shoqëruar në Stacionin Policor Ranillug, ku dhe është intervistuar në bazë të procedurave ligjore.
Në lidhje me rastin është njoftuar prokurori i shtetit, ndërsa ndaj të dyshuarit do të ngrihet kallëzim penal për veprën penale “Mbajtja në pronësi, kontroll ose posedim të paautorizuar të armëve’” dhe rasti do të procedohet në prokurori.