Me vendimin e Prokurorisë së Shtetit, ish-mësuesi është ndaluar në mbajtje për 48 orë.
Rasti po hetohet ende nga hetuesit rajonal në Prizren.
70-vjeçari me profesion mësues, dyshohet se ka kryer veprën penale ”Ofrimi i materialit pornografik personave nën moshën gjashtëmbëdhjetë vjet” nga neni 231 paragrafi 1, të Kodit Penal të Republikës së Kosovës (KPRK).
Rasti është raportuar nga ABC News Albania, në emisionin ”Piranjat”.
Ai ka rënë pre e skuadrës së Piranjave, të cilët e filluan me dërgimin e një kërkese miqësie në Facebook. Pas pranimit të kërkesës, gjatë bisedës, ish-mësuesi ka dërguar video dhe foto erotike.
Prokuroria Themelore në Prizren ka njoftuar opinionin publik se do të ndërmarrë të gjitha veprimet e nevojshme hetimore për zbardhjen e këtij rasti, konform dispozitave ligjore në fuqi.
Prokuroria fillon hetimet mbi dyshimet ndaj një rasti të pedofilisë