Kryetari i Alternativës Shqiptare dhe njëherit kryetari i Komunës së Tuzit, Nikë Gjeloshaj është arrestuar, pasi kishte debatuar me policët të cilët e kishin ndaluar dhe e kishin dërguar për kontrollë tenike emergjente makinën me familjarët e tij. Kjo kishte ndodhur me pretekstin se makina i kishte xhamat e zi.
Nikë Gjeljoshaj, është dërguar në policinë e Podgoricës, pasi i njëjti dyshohet se ka fyer dhe nënçmuar policët, raporton Vijesti, përcjell portali Dukagjini.
Ndërkaq nga Drejtoria e Policisë nuk kanë dashur të komentojnë rastin, por kanë thënë se masat dhe veprimet policore janë në vazhdim e sipër, pas së cilës do të lëshojnë një deklaratë.
Gjeloshaj angazhimin në politikë e ka filluar në Iniciativën Qytetare dhe më vonë në Alternativën Shqiptare, i cili pas agazhimit të tij dhe ekipit që kishte zgjdhur ka arritur mjaft sukses gjatë fushatave zgjedhore në vend dhe diasporë.
Ndërsa aktualisht ai mban edhe pozitën e Kryetarit të Alternativës Shqiptare, lidere e partive politike shqiptare që veprojnë në Mal të Zi.