Është arrestuar personi i dyshuar se gjatë së mërkurës, në ambientet e Kuvendit të Kosovës, bëri thirrje për pushkatimin e deputetit të Aleancës për Ardhmërinë e Kosovës (AAK), Ramush Haradinajt.
Lajmin për Dukagjinin e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
“Po, personi i dyshuar është arrestuar nga Njësiti i Hetimeve të Përgjithshme të Drejtorisë Rajonale të Policisë në Prishtinë. Ndaj tij do të merren veprimet procedurale në koordinim me Prokurorin e Shtetit”, ka thënë Ahmeti.
Arrestimi vjen pasi Prokuroria Themelore në Prishtinë kishte autorizuar Policinë e Kosovës për identifikimin e personit të dyshuar dhe ndërmarrjen e veprimeve urgjente lidhur me rastin.
Prokuroria nis hetimet për identifikimin e personit që kërcënoi Haradinajn në Kuvend