Një person i kërkuar me urdhëresë gjykate është arrestuar sot në Ferizaj.

Sipas njoftimit zyrtar, më 25 shkurt 2026, rreth orës 11:30, në rrugën “Sali Çeku” në Ferizaj, zyrtarët policorë të stacionit në Shtime kanë arrestuar F.R., 37 vjeç, i cili ishte në kërkim në bazë të një urdhërese të lëshuar nga Gjykata Themelore në Prishtinë.

I njëjti ishte i dënuar me 40 ditë burgim për veprën penale “Ngacmimi”.

Pas arrestimit dhe kompletimit të dokumentacionit të nevojshëm, 37-vjeçari është dërguar në vuajtje të dënimit.