Arrestohet në Malishevë kryesuesi i komisionit për numërim votash, dyshohet për falsifikim të rezultatit
Një person është arrestuar në Malishevë nën dyshimin për falsifikim të rezultatit të votimit. Sipas njoftimit të Policisë së Kosovës, më 22 shkurt është arrestuar i dyshuari mashkull kosovar, i cili gjatë procesit zgjedhor kishte ushtruar detyrën e kryesuesit të komisionit për numërimin e votave të kandidatëve për deputetë. Rasti lidhet me ngjarjen e raportuar […]
Një person është arrestuar në Malishevë nën dyshimin për falsifikim të rezultatit të votimit.
Sipas njoftimit të Policisë së Kosovës, më 22 shkurt është arrestuar i dyshuari mashkull kosovar, i cili gjatë procesit zgjedhor kishte ushtruar detyrën e kryesuesit të komisionit për numërimin e votave të kandidatëve për deputetë.
Rasti lidhet me ngjarjen e raportuar më 23 janar 2026, rreth orës 08:30.
Pas intervistimit, me vendim të prokurorit kompetent, i dyshuari është dërguar në mbajtje.
Hetimet lidhur me rastin janë duke vazhduar.















