Policia e Kryeqytetit ka vazhduar me veprime operative dhe hetimore për lokalizimin dhe arrestimin e personave të kërkuar.
Në kuadër të këtyre angazhimeve, njësitet e Stacionit Policor Veriu në Prishtinë kanë arrestuar një person të kërkuar, i dënuar me vendim gjykate.
I arrestuari është L.K., mashkull 29-vjeç, i cili ishte në kërkim për veprën penale “vrasje në tentativë” dhe ishte dënuar me 3 vite burgim.
Policia ka bërë të ditur se ndaj tij janë ndërmarrë të gjitha procedurat e nevojshme ligjore pas arrestimit.