Të premten e 2 shtatorit, Policia e Shqipërisë ka njoftuar se është arrestuar me qëllim ekstradimi një shtetas i shpallur në kërkim ndërkombëtar në Vlorë.
Në vijim të punës për kapjen e personave në kërkim nga shërbimet e Seksionit për Hetimin e Krimeve në Komisariatin e Policisë në Vlorë, është organizuar dhe finalizuar operacioni policor i koduar “September”.
“Në kuadër të këtij operacioni, në lagjen “1 Maji”, Vlorë, u bë kapja dhe ndalimi, me qëllim ekstradimi, i shtetasit: A. A.(L)., 54 vjeç, banues në Vlorë”, thuhet në njoftimin e Policisë së Shtetit.
Policia njofton se shtetasi i arrestuar ishte shpallur në kërkim ndërkombëtar, pasi Gjykata e Lecce-s në Itali, ka lëshuar urdhërarrest ndërkombëtar për veprat penale “Trafikimi i lëndëve narkotike” dhe “Organizatë kriminale”, parashikuar nga Kodi Penal i Italisë.