Policia e Kosovës ka arrestuar një person, i cili dyshohet se ka sulmuar ankuesin, ndërsa videon e sulmit e ka bërë publike në rrjete sociale.
Personi është shtetas i Republikës së Kosovës, me inicialet F.I., mashkull i moshës 20-vjeçare, i cili dyshohet se ka kryer veprat penale “Sulm dhe ngacmim”.
Rasti është denoncuar në polici, të hënën e 24 tetorit, megjithatë gjatë ditës së sotme(e marte), njësitet policore të stacionit të Podujevës, kanë arritur ta arrestojnë personin e dyshuar.
Pas arrestimit, me vendimin e Prokurorit të shtetit, personit të dyshuar i është shqiptuar masa e ndalimit prej 48 orësh.
“F. I, mashkull 20 vjeç, shtetas i Republikës së Kosovës, është bërë pasi i njëjti dyshohet se ka sulmuar ankuesin dhe videon e sulmit e ka publikuar në rrjete sociale. Rasti në polici është denoncuar me datën 24.10.2022. Pas arrestimit, me vendimin e prokurorit të shtetit personit të dyshuar i është shqiptuar masa e ndalimit prej 48 orësh”, thuhet në njoftimin e Policisë së Kosovës, në rrjetin social Facebook.