Policia e Kosovës ka bërë të ditur se ka arrestuar një person të kërkuar për veprën penale “Vrasje në tentativë”, i cili ishte dënuar me një vit burgim.

Sipas njoftimit të Policisë, arrestimi është realizuar nga njësitë e Stacionit Policor Qendra në Prishtinë, në kuadër të veprimeve të vazhdueshme për kapjen e personave të dyshuar dhe atyre të dënuar për vepra penale.

I arrestuari është identifikuar me inicialet A.Sh., 20 vjeç.

Pas arrestimit, ai është dërguar në institucionin korrektues për vuajtjen e dënimit me burg.