Policia e Kosovës ka bërë të ditur se ka arrestuar një burrë në Prishtinë.
Sipas raportit 24-orësh të Policisë, i njëjti dyshohet se kishte ushtruar dhunë fizike ndaj gruas së tij, njofton Dukagjini.
“Është arrestuar i dyshuari mashkull kosovar, i cili dyshohet se për shkak se në banesën e tyre kishte ushtruar dhunë fizike ndaj bashkëshortes së tij, viktimës femër kosovare. I dyshuari pas intervistimit me vendim të prokurorit është dërguar në mbajtje”, thuhet në njoftimin policor.