Një grua në Pejë është arrestuar këtë të martë, nën dyshimet për kryerjen e veprës penale të mashtrimit.
Nga Prokuroria Themelore e Pejës kanë bërë të ditur se gruaja e arrestuar dyshohet se ka mashtruar bujqit lidhur me aplikimet për subvencione bujqësore.
Zëdhënësi i prokurorisë, Shkodran Nikçi, ka konfirmuar se ndaj të dyshuarës tashmë është ngritur aktakuzë, dhe ajo është ndaluar për 48 orë me urdhër të prokurorit.
“Është arrestuar një person për veprën penale mashtrimi. Me urdhër të prokurorit është ndaluar për 48 ore. Ndaj së njëjtës Prokuroria Themelore në Pejë javë më parë ka ngritur aktakuzë për veprën penale Mashtrimi”, ka thënë Nikçi për Dukagjinin.