Policia e Kosovës ka njoftuar se një person i dyshuar është arrestuar në orët e para të së hënës në Mitrovicën e Veriut.

Policia ka njoftuar se gjatë kontrollit në veturën e të dyshuarit janë gjetur dhe konfiskuar një armë zjarri AK-47 me një karikator me 5 fishekë si dhe disa pajisje për prodhimin e kriptovalutave.

Rasti ka ndodhur rreth orës 00:35 në rrugën “Mbreti Petri”.

Me vendim të prokurorit, i dyshuari është dërguar në mbajtje.

“Është arrestuar i dyshuari mashkull kosovar pasi që gjatë kontrollit në veturën e tij janë gjetur dhe konfiskuar një armë zjarri AK-47 me një karikator me 5 fishekë si dhe disa pajisje për prodhimin e kriptovalutave. Me vendim të prokurorit i dyshuari është dërguar në mbajtje”, vijon njoftimi i PK-së.