Është arrestuar një i dyshuar në fshatin Zupçë të Zubin Potokut, pasi është hasur me ekskavator duke kryer gërmime.
Në raportin 24-orësh të Policisë thuhet se i dyshuari këtë veprim e ka bërë përkundër aktvendimit të inspektoratit të Ministrisë së Mjedisit, Planifikimit Hapësinor dhe Infrastrukturës të mos ushtrohet aktivitet në atë zonë.
“Fsh. Zupçë, Zubin Potok 30.11.2023 – 10:00. Është arrestuar i dyshuari mashkull kosovar, pasi që është hasur me ekskavator duke kryer gërmime edhe përkundër aktvendimit të inspektoratit të Ministrisë së Mjedisit Planifikimit Hapësinor të mos ushtrohet aktivitet në atë zonë. Me vendim të prokurorit, i dyshuari është dërguar në mbajtje”, thuhet në raport.