Arrestohet një i dyshuar për prodhim dhe shpërndarje të produkteve të dëmshme mjekësore

I dyshuari për përfshirje në veprën penale të prodhimit dhe shpërndarjes të produkteve të dëmshme mjekësore është intervistuar dhe më pas, ai është dërguar në mbajtje për 48 orë

Policia e Kosovës

Një mashkull kosovar është arrestuar pasi dyshohet se ka shitur barna pa banderola të Republikës së Kosovës, njofton Policia e Kosovës.

Policia e Kosovës bën të ditur se i dyshuari kishte përfituar materialisht dhe njëherësh, ai ka rrezikuar shëndetin e pacientëve, të cilët i kanë konsumuar barnat.

“I dyshuari, ka arritur që të përfitojë materialisht dhe njëkohësisht ka rrezikuar shëndetin e pacientëve të cilët kanë konsumuar barnat e tilla. Barnatorja është kontrolluar nga Inspektorët Farmaceutik, kurse personi i dyshuar është shoqëruar në polici”, shkruan Policia e Kosovës.

Përmes një komunikate për media, bëhet e ditur se arrestimi i të dyshuarit erdhi nga bashkëpunimi në mes hetuesve policorë nga Drejtoria për Hetimin e Krimeve Ekonomike dhe Korrupsionit (DHKEK) dhe Prokuroria Themelore në Prishtinë.

I dyshuari është intervistuar dhe më pas, ai është dërguar në mbajtje për 48 orë. Ndaj tij është iniciuar rasti “Prodhimi dhe shpërndarja e produkteve të dëmshme mjekësore”.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika