Policia e Kosovës ka arrestuar një person i cili kërkohej me 12 urdhëresa të Gjykatës.
Në një komunikatë për media nga policia thuhet se i dyshuari është dërguar në vuajtje të dënimit.
“Mbrëmë nga Njësiti për Reagim të Shpejtë në Prishtinë është arrestuar një person, i cili kërkohej me urdhëresa të gjykatës. Ndaj personit të dyshuar: E. Z mashkull 23 vjeç, shtetas i Republikës së Kosovës, kanë qenë aktive 12 urdhëresa nga gjykatat, për veprat grabitje, posedim i narkotikëve, vjedhje, lëndim trupor etj”, thuhet në komunikatë.
“Pas përfundimit të procedurave të nevojshme policore, nga zyrtarët e stacionit veriu në Prishtinë dhe zyrtarëve të stacionit të Vushtrrisë, personi i dyshuar është dërguar në vuajtje të dënimit”, vijon njoftimi.