Policia e Kosovës ka njoftuar se ka arrestuar një person, të dyshuar për veprën penale “vjedhje e rëndë” në një xhami në qytetin e Suharekës.
Këtë e ka bërë të ditur Policia e Kosovës përmes një postimi në rrjetin social Facebook.
Sipas njoftimit të PK-së, tek i dyshuari nga Shiroka e Suharekës kanë sekuestruar paratë e vjedhura në xhami, rreth 500 euro.
“Tek i dyshuari (A. T. 31 vjeçar nga Shiroka e Suharekës) janë gjet edhe dëshmitë, parat e vjedhur në xhami , rreth 500 euro. Mjetet (parat ) e gjetura janë sekuestruar, ndërsa i dyshimti me urdhër të prokurorit kujdestar dërgohet në mbajtje për 48 orë”, thuhet tutje në njoftim.