Një person është arrestuar nën dyshimet se ka shitur prona të shtetit të Kosovës, të cilat janë nën menaxhim të Agjencionit Kosovar të Privatizimit (AKP).
Në Raportin e Policisë thuhet se këto prona gjenden jashtë Kosovës, në Bosnjë Hercegovinë dhe në Mal të Zi.
I dyshuari, sipas policisë, ka paraqitur dokumente të rrejshme duke e përdorur nënshkrimin si person zyrtar i autorizuar nga AKP-ja për t’i shitur asetet.
“Më 26.09.2022 është arrestuar i dyshuari mashkull kosovar nën dyshimin se i njëjti ka kryer shitje të pronave të Republikës së Kosovës, të cilat janë nën menaxhim të Agjencionit Kosovar të Privatizimit, pronat gjenden jashtë shtetit të RKS-së në shtetin e Bosnjë Hercegovinës, Malit të Zi. I njëjti duke paraqitur dokumente të rrejshme, duke përdorur nënshkrimin si person zyrtar i autorizuar nga AKP, për shitjen e aseteve”, thuhet në njoftimin e Policisë së Kosovës.
Të njëjtit, sipas policisë, i është bastisur shtëpia, në koordinim me prokurorin e rastit nga PTH-Prishtinë dhe është dërguar në mbajtje.