Policia e Kosovës ka njoftuar se sot, rreth orës 05:10, një patrullë e Stacionit Policor në Kaçanik ka ndaluar një 20-vjeçar me inicialet M.R., gjatë patrullimit.
Gjatë kontrollit të dokumentacionit dhe verifikimit në sistemin e urdhëresave, policia ka konstatuar se ndaj tij kishte urdhëresë aktive të lëshuar nga Gjykata Themelore në Ferizaj.
Urdhëresa lidhej me veprën penale “Blerja, posedimi, shpërndarja dhe shitja e paautorizuar e narkotikëve, substancave psikotrope ose analoge”.
Pas përfundimit të procedurave dhe kompletimit të dokumentacionit, me urdhër të gjykatës, 20-vjeçari është dërguar për vuajtjen e dënimit në kohëzgjatje prej gjashtë muajsh.