Policia e Kosovës ka arrestuar një person të dyshuar mashkull kosovar në komunën e Novobërdës, pas një incidenti me armë zjarri që ka ndodhur të shtunën mbrëma, më 08.11.2025, rreth orës 20:35.
Sipas raportit 24 orësh të policisë, pas një mosmarrëveshjeje, i dyshuari ka shtënë me armë zjarri në afërsi të viktimës, një mashkull kosovar, dhe më pas e ka goditur atë me kondak të armës. Viktima ka marrë trajtim mjekësor për plagët e pësuara.
Në vendin e ngjarjes, policia ka gjetur dhe konfiskuar tre gëzhoja, ndërsa arma e zjarrit është gjetur në veturën e të dyshuarit.
Me vendim të prokurorit të shtetit, i dyshuari është dërguar në mbajtje, ndërsa hetimet për rastin janë duke vazhduar.