Policia e Kosovës ka njoftuar se ka arrestuar një person të dyshuar për posedim dhe shitblerje të substancave narkotike, ndërkaq gjatë kontrolleve në banesën e të dyshuarit janë gjetur substanca narkotike në vlerë rreth tetë mijë euro.

Përmes një komunikate për media, Policia e Kosovës ka njoftuar se të njëjtit, përpos kokainës, i janë gjetur edhe para prej më shumë se 1545 eurosh eurosh si dhe dy telefona celularë dhe një peshore digjitale.

Lidhur me rastin si prova materiale kanë gjetur dhe konfiskuar:

• 27 qese të vogla të dyshuar si substancë narkotike e llojit kokainë me peshë 13 gramë,
• 3 qese të dyshuar si substancë narkotike e llojit kokainë me peshë 62.9 gramë,
• Një peshore digjitale e cila ka shërbyer për matjen e narkotikeve në sasi të vogla,
• Një qese e dyshuar si substancë narkotike e llojit kokainë me peshë 0.2 gramë, e gjetur në veturën e të dyshuarit,
• Dy telefona celularë,

• Para të gatshme me vlerë prej 1545 eurosh ( Njëmijë e pesëqind e dyzet e pesë euro )”, thuhet në njoftimin e PK-së.

I dyshuari është shoqëruar drejt stacionit policor, me ç’rast, ёshtё intervistuar. Pas kësaj të fundit, me vendim tё prokurorit kompetent, ёshtё ndaluar pёr 48 orё.