Është arrestuar një person i dyshuar, pasi gjatë bastisjes së shtëpisë së tij, të njëjtit i janë gjetur armë dhe substanca narkotike në masë prej më shumë se 3 kilogramësh.

Përmes një komunikate për media, Policia e Kosovës ka njoftuar se të njëjtit përpos marihuanës e municioneve, i janë gjetur edhe para prej më shumë se 2880 eurosh.

“Lidhur me rastin, gjatë kontrollit të realizuar, janë gjetur dhe sekuestruar dëshmitë relevante si në vijim: – Pesё (6) qese najloni me substancë tё dyshuar narkotike tё llojit Marihuanë me peshё tё pёrgjithshme prej 3 kg e 45 gramësh.

-Dy peshore digjitale

-Pistoletë me karikator me 3 fishekë brenda.

– Pistoletë me njё karikator me 4 fishekë

– Shtatё (7) fishekë kalibër i panjohur.

– Njёqind e pesёdhjetё e dy (152) qese plastike tё zbrazëta pёr paketim tё substancave

narkotike.

– Dyzet (40) stega plastike,

– Dy (2) rolle me foli plastike,

– Njё(1) rolle foli alumini,

– Para në vlerë prej; 2880 eurosh, 70 franga zvicerane dhe 30 funta angleze”, thuhet në njoftim.

Foto dërguar nga Policia e Kosovës përmes një komunikate, pas bastisjes së shtëpisë të të dyshuarit në Prizren

I dyshuari është shoqëruar drejt stacionit policor, me ç’rast, ёshtё intervistuar. Pas kësaj të fundit, me vendim tё prokurorit kompetent, i njëjti ёshtё ndaluar pёr 48 orё.