Është arrestuar një i dyshuar për veprën penale “Organizim i skemave piramidale”, në sheshin e qytetit në Skenderaj.
Policia e Kosovës ka njoftuar se arrestimi i të dyshuarit është bërë mbi dyshime të arsyeshme dhe prova të siguruara se në lokalin e të dyshuarit zhvillohej veprimtari e kundërligjshme e lojërave të fatit.
“Tre televizor për shërbime të basteve, katër monitor, katër shtëpiza, 8 topa letër për printime, tre tastiera , 20 tiketa, një libër i basteve, 1×100 €, 2×20€, 16×5€, 3×2€, 11×1€, 52×05 cent, 23×0.10 cent, 9×0.5cent dhe një lexues i tiketave”, thuhet në njoftimin e policisë.
Ndërsa, pas intervistimit, me urdhër të prokurorit të rastit, të dyshuarit i është caktuar masa e ndalimit për 48 orë.
Ndaj tij është iniciuar rast për veprën penale ”Organizim i skemave piramidale”.