Policia e Kosovës e ka arrestuar një person në komunën e Suharekës, nën dyshimet se e ka sulmuar fizikisht gruan.
Sipas njoftimit, i dyshuari e kishte shkelur urdhrin mbrojtës të lëshuar nga gjykata.
“Viktima femër kosovare ka raportuar se i dyshuari mashkull kosovar e ka sulmuar fizikisht e me këtë rast ka shkelur urdhrin mbrojtës, lëshuar nga gjykata kompetente. Me vendim të prokurorit, i dyshuari është arrestuar dhe është dërguar në mbajtje”, thuhet në njoftim.
Rasti nga Policia e Kosovës është cilësuar si dhunë në familje.