Ditën e martë është arrestuar një person në Gjykatën Themelore, dega Fushë Kosovë.

Arrestimi i tij erdhi si pasojë që kishte fyer gjyqtarin, prokurorin dhe policët, dhe pas arrestimit është dërguar në mbajtje.

“Është arrestuar i dyshuari mashkull kosovar pasi që gjatë seancës kishte fyer dhe kanosur gjyqtarin, prokurorin dhe zyrtarët policorë”, thuhet në Raportin e Policisë së Kosovës.

“Me urdhër të prokurorit është bërë bastisja e shtëpisë së të dyshuarit, mirëpo nuk është gjetur asgjë e dyshuar”.

Lidhur me rastin me vendim të prokurorit i dyshuari është dërguar në mbajtje.