Policia e Kosovës e ka arrestuar një person në Kaçanik për armëmbajtje pa leje dhe për kanosje.
I dyshuari i moshës 54-vjeçare, sipas policisë, për shkak të një mosmarrëveshjeje e kishte kanosur me armë një person tjetër të moshës 47-vjeçare.
Policia ka konfiskuar nga i dyshuari një pistoletë me 12 fishekë dhe një thikë.
“Policët e rendit dhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj, kanë shkuar në fshatin Vatë dhe kanë arrestuar të dyshuarin N.N (M/K) i moshës 54-vjeçar, i cili shkak i një mosmarrëveshjeje kishte kanosur me armë personin tjetër mashkull kosovar i moshës 47-vjeçar, ndërsa më pas policia nga i dyshuari ka konfiskuar armën e zjarrit ( pistoletë) me 12 fishekë dhe një thikë”, thuhet në njoftim.
I dyshuari me vendim të prokurorit është ndaluar në mbajtje për 48 orë.