Policia e Kosovës ka bërë të ditur se një shtetas serb është arrestuar të shtunën në Leposaviq pasi dyshohet se ka kaluar kufirin ilegalisht.
Sipas njoftimit të dielën se i dyshuari nuk posedonte asnjë dokument identifikimi dhe dyshohet se ka kaluar ilegalisht nga Serbia në Republikën e Kosovës.
I dyshuari është identifikuar dhe intervistuar në prezencë të avokatit mbrojtës.
“Njësiti policor ka arrestuar të dyshuari mashkull serb shtetas i Serbisë pasi që, i njëjti nuk posedonte asnjë dokument identifikimi dhe dyshohet se nga Serbia në Republikën e Kosovës ka kaluar ilegalisht. I dyshuari është identifikuar dhe intervistuar në prezencë të avokatit mbrojtës”, thuhet në njoftimin e policisë.
Me vendim të prokurorit, ai është dërguar në mbajtje.