Policia e Kosovës ka njoftuar se është arrestuar një shtetas i Serbisë në Jarinje, i cili dyshohet se e ka prezantuar një dokument fals gjoja të lëshuar nga ministria e Mjedisit dhe Planifikimit Hapësinor.
Në vijim thuhet se i dyshuari është dërguar në mbajtje ndërsa automjeti me ngarkesë është dërguar në terminal doganorë në Mitrovicë.
“Është arrestuar i dyshuari mashkull shtetas i Serbisë, për shkak se në vendkalim kufitar për transportin e ngarkesës kishte prezantuar një dokument të lëshuar nga Ministria e Mjedisit dhe Planifikimit Hapësinor i cili dyshohet të jetë i falsifikuar. I dyshuari me vendim të prokurorit, i cili e ka bërë cilësimin e veprës penale, është dërguar në mbajtje, kurse automjeti me ngarkesë për shkak të sigurisë dhe peshës është dërguar në terminal doganorë në Mitrovicë”, thuhet në raport.