Policia e Kosovës ka bërë të ditur se personi i cili u arrestua të dielën mbrëma për therjen me thikë të 26-vjeçarit në Prizren është shtetas i Turqisë.

Viktima ka ndërruar jetë gjersa ishte në tretman mjekësor në QKUK.

Me vendim të prokurorit trupi i pajetë i viktimës është dërguar në IML për autopsi.

Ndërsa, i dyshuari është dërguar në mbajtje.

“Prizren / 06.07.2024 – 23:50. Në lidhje me rastin, më 07.07.2024 gjersa ishte në tretman mjekësor në QKUK, ka ndërruar jetë viktima mashkull Kosovar. Lidhur me rastin është arrestuar një i dyshuar mashkull shtetas i Turqisë. Me vendim të prokurorit trupi i pajetë i viktimës është dërguar në IML për autopsi, kurse i dyshuari është dërguar në mbajtje”, thuhet në njoftimin e PK-së.

Viktima të shtunën ishte gjetur i shtrirë në rrugë në lagjen “Bazhderhane” në Prizren.

Sipas Policisë ai dyshohet se ishte therur dhe më pas ishte hedhur në rrugë nga një veturë.

Vdes personi që u ther me thikë në Prizren, policia arreston të dyshuarin