Një shtetase e huaj është arrestuar të dielën nga policia kufitare, si e dyshuar për kontrabandim me migrantë.

Siç ka bërë të ditur Policia e Kosovës përmes raportit 24-orësh, gjatë kontrollit të dokumenteve të shtetases së huaj dyshohet se ajo ka sjellë në vend një person i cili më pas ka kërkuar azil.

“Prishtinë   21.07.2024- 10:00.  Është arrestuar një e dyshuar femër shtetase e  huaj pasi që e njëjta gjatë kontrollit të dokumenteve dyshohet se e ka sjellur një person i cili më pas ka kërkuar azil”, thuhet në raportin e policisë.

Me vendim të prokurorit, rasti është iniciuar “Kontrabandim me migrant”,  dhe pas intervistimit e dyshuara është dërguar në mbajtje.

Rasti sipas policisë është duke u hetuar.