Inspektorati Policor i Kosovës, ka njoftuar se ka arrestuar një person zyrtar policor pasi që i njëjti dyshohet për shkaktimin e aksidentit të mbrëmshëm në rrugën Prishtinë-Fushë Kosovë.

Zyrtari policor ishte me veturë civile dhe jashtë detyrës zyrtare.

“Bazuar në veprimet hetimore dyshohet se shkaktar i aksidentit është zyrtari policor i cili është arrestuar sot në orët e mbrëmjes me dyshimin se i njëjti ka kryer veprën penale “rrezikim i trafikut publik”.”

“Të njëjtit  me aktvendim të prokurorit i është caktuar masa e  ndalimit për 48 orë. Veprime të tjera do të ndërmerren në përputhje me autorizimet ligjore të IPK-së dhe në koordinim me prokurorinë kompetente,” shkruhet në njoftimin e ">IPK-së.

Ndryshe, ky aksident i rëndë ka ndodhur mbrëmë në rrugën Prishtinë-Fushë Kosovë ku u përfshinë 4 vetura dhe mbetën të lënduar 4 persona.

Njëri nga të lënduarit ka vdekur në Qendrën Klinike dhe Universitare të Kosovës.