Arrestohet personi i dyshuar që goditi dy këmbësore të martën në orët e vona në Prishtinë.

Në raportin e Policisë thuhet se është arrestuar i dyshuari mashkull kosovar, pasi ai, duke drejtuar automjetin nga pakujdesia ka goditur dy këmbësore femra kosovare.

Me vendim të Prokurorisë, i dyshuari është dërguar për mbajtje.

Ky aksident ka ndodhur të martën rreth orës 22:00 në rrugën “Agim Ramadani”, në Prishtinë, në të cilin janë përfshirë dy viktima këmbësore me lëndime trupore, të cilat janë dërguar në QKUK për trajtim mjekësor.

Pas aksidentit, ngasësi i veturës ka ikur nga vendi i ngjarjes.

Aksident i rëndë në Prishtinë, dy vajza goditen nga një veturë