Drejtoria Rajonale e Policisë në Gjilan ka bërë të ditur se ka shoqëruar në stacionin policor një person, njëherësh një shqiptar, shtetas i Maqedonisë së Veriut, i cili ishte i kërkuar me urdhërarrest ndërkombëtar.
Policia e Kosovës ka bërë të ditur se i dyshuari është ekstraduar nga shteti i Gjermanisë pasi ishte i kërkuar me urdhërarrest ndërkombëtar të lëshuar nga Gjykata Themelore në Gjilan.
Sipas Policisë së Kosovës, ai është i dyshuar për trembëdhjetë vepra penale si “Vjedhje të rënda’’, “Vjedhje’’ dhe “Vjedhje në tentativë’’ në disa fshatra të Komunës së Vitisë.
Bëhet e ditur se ai me urdhër të Prokurorit të Shtetit, është ndaluar për 48 orë.