Rusia ka sulmuar Ukrainën me raketa balistike dhe dronë, duke vrarë të paktën 17 persona, ndërsa Presidenti i Ukrainës, Volodymyr Zelensky, tha se dërgimi i sistemeve ajrore “mund të kishin shpëtuar jetë”.
Në një nga sulmet më vdekjeprurëse në Kiev dhe rajonin e kryeqytetit këtë vit – i cili filloi pas mesnatës së së mërkurës ku të paktën 45 persona u plagosën pasi u goditën ndërtesa banimi, një stacion hekurudhor dhe depo.
Ukraina, e cila vazhdimisht u ka kërkuar aleatëve më shumë raketa “Patriot” të prodhuara në SHBA për t’u mbrojtur kundër balistikës ruse, nuk ka raportuar të ketë interceptuar asnjë nga raketat në sulmin e natës.
Zelensky shtoi se vonesat në marrjen e sistemeve anti-balistike nga partnerët çojnë në “viktima dhe shkatërrime të tmerrshme”.
Presidenti më vonë tha se furnizimi me raketa nga aleatët ishte “zvogëluar ndjeshëm” këtë vit.
Ministria e mbrojtjes e Rusisë tha se kishte goditur qendrat logjistike dhe qendrat e furnizimit në Kiev dhe rajonin përreth.
“Këto qendra ishin të përfshira në ruajtjen, shpërndarjen e armëve të ndryshme dhe furnizimeve ushtarake, si dhe në prodhimin dhe shpërndarjen e mjeteve ajrore pa pilot”, tha ajo.
Gjithashtu tha se kishte goditur tre anije mallrash “të cilat po transportonin armë dhe pajisje ushtarake” pranë portit të Odesës në Detin e Zi.