Rreth dyzet njerëz deri tani kanë mbetur të vdekur, pas shpërthimit të minierës së qymyrit në Turqinë veriore.
Ministri i Brendshëm turk, Suleyman Soylu, ka thënë se 58 njerëz janë shpëtuar nga miniera, ndërsa 11 punëtorë të minierës janë të lënduar dhe po trajtohen nëpër spitale, shkruan BBC-ja.
“Pesëdhjetë e tetë nga minatorët ishin në gjendje të dilnin të padëmtuar. Ne vlerësojmë se 15 nga minatorët tanë janë poshtë dhe ne po përpiqemi t’i shpëtojmë”, ka thënë Soylu.
Në kohën e shpërthimit, në minierë kanë qenë rreth 110 persona, gjysma e tyre ishin në thellësi më shumë se 300 metra.
Por ende nuk dihet shkaku i shpërthimit dhe prokuroria po vazhdon hetimet.
Gjithashtu, edhe ekuipazhet e urgjencës janë duke punuar vazhdimisht, për të arritur më shumë të mbijetuar.
Shpërthimi i minierës turke lë 28 persona të vdekur dhe dhjetëra të bllokuar