Shtatë persona janë qëlluar për vdekje në një sinagogë në Jerusalemin Lindor. Ndërkaq, të paktën tre persona të tjerë kanë mbetur të plagosur.
Incidenti ndodhi në lagjen “Neve Yaakov” të qytetit rreth orës 20:15.
Policia e përshkroi sulmuesin si “terrorist” dhe shtoi se ai ishte “neutralizuar”.
Mediat lokale e identifikuan atë si një palestinez nga Jeruzalemi Lindor.
Duke folur në vendngjarje, komisioneri i policisë izraelite Kobi Shabtai e quajti atë “një nga sulmet më të këqija që kemi hasur në vitet e fundit”, shkruan BBC.
Adhuruesit izraelitë ishin mbledhur për lutje në fillim të Shabatit hebre në një sinagogë në vendbanimin hebre dhe po largoheshin kur personi i armatosur hapi zjarr. Policia ka theksuar se më pas oficerët e kanë qëlluar për vdekje.
Ekipet e mjekësisë ligjore po hetojnë një makinë të bardhë që duket se drejtohej nga personi i armatosur.
Grupet militante palestineze vlerësuan sulmin, por nuk thanë se një nga anëtarët e tyre ishte përgjegjës.
Sulmi u festua nga palestinezët në Bregun Perëndimor dhe në Rripin e Gazës me mitingje dhe shpërndarje ëmbëlsirash.