Skuadra e drejtuar nga Mikel Arteta triumfoi sot në ndeshjen finale ndaj Manchester City.
Arsenali është fitues i trofeut të Community Shield për vitin 2023, pasi fitoi përballë Manchester Cityt në stadiumin “Wembley” pas ekzekutimit të penalltive, ndërkohë që koha e rregullt u mbyll baras (1-1).
Cole Palmer kaloi fillimisht “Qytetarët” në epërsi me një gol të bukur të shënuar në minutën e 70-të, i cili u asistua me kokë nga Kevin De Bruyne dhe goditi nga brenda zonës.
Dy raste tjera të mira për kampionin anglez i patën në vijim Phil Foden dhe Rodri, por në të dyja raste intervenoi Ramsdale.
Teksa ndeshja po shkonte drejt fundit, ishte Leandro Trossard që shënoi në fundin e saj, 90+11′, i barazoi shifrat për ta dërguar ndeshjen në penallti.
Pas ekzekutimit të njëmbëdhjetëmetërshave, më të saktë u treguan futbollistët e Arsenalit që e fituan për të 17-të herë trofeun e FA Community Shield (që në të kaluarën është quajtur edhe FA Charity Shield), derisa Manchester City e ka fituar gjashtë herë. “Topçinjtë” u treguan më të saktë në ekzekutimin e penalltive, ku fituan me rezultatin 4:1.
Odegaard, Trossard, Saka dhe Vieira shënuan nga pika e 11 metërshit.
Te Man City shënoi vetëm Silva, kurse De Bruyne dhe Rodri dështuan. Belgu goditi shtyllën, kurse goditja e spanjollit u prit nga Ramsdale.