Tifozët e Arsenalit kanë marrë një lajm të mirë para derbit të së dielës ndaj Manchester United.
13 herë kampioni i Premier Ligës ka arritur marrëveshje për transferimin e sulmuesit të Brightonit, Leandro Trossard.
Mediat angleze raportojnë se palët janë pajtuar për transferimin në fjalë, i cili do t’i kushtojë klubit nga Londra 21 milionë funte, plus gjashtë të tjera në bazë të paraqitjeve të lojtarit me skuadrën e tij të re.
Kur jemi te ‘topçinjtë’, këta të fundit nuk arritën të transferonin ukrainasin Mykhailo Mudryk gjatë janarit, pasi ishte Chelsea që në fund mori në radhët e veta 22 vjeçarin e talentuar.
Sidoqoftë, kalimi i belgut Trossard te skuadra që drejtohet nga Mikel Arteta, pritet të sjellë freski dhe përvojë sidomos në fazën e sulmit, për të cilën tani ka shumë nevojë lideri i Premier Ligës.
Lojtari pritet të prezantohet së shpejti te skuadra kuqebardhë, ndërsa me shumë gjasë do të jetë i përfshirë në skuadër për derbin e së dilës ndaj Manchester United, që luhet në Emirates Stadium.