Arsenal FC është kualifikuar në gjysmëfinale të UEFA Champions League pasi ka eliminuar Sporting CP.
Kualifikimi i “Topçinjve” u vendos nga fitorja 1:0 në ndeshjen e parë në Lisbonë, ku goli vendimtar u shënua në minutën e 91-të nga Kai Havertz.
Ndeshja e kthimit e zhvilluar të mërkurën në Londër përfundoi pa gola, 0:0, në një duel ku të dy skuadrat patën raste për shënim, por nuk arritën të ndryshojnë rezultatin.
Me këtë sukses, Arsenali siguron një vend në katërshen më të mirë të Evropës dhe në gjysmëfinale do të përballet me Atletico Madrid.
Ndeshja e parë do të luhet në Madrid.