Arsenali ka hedhur poshtë mundësinë për të nënshkruar me Mauro Icardin kur sulmuesi i Paris Saint-Germain iu ofrua atyre këtë verë.
Nënshkrimi i një numri 9 ishte në krye të listës prioritare për Mikel Artetën pas largimit të Pierre-Emerick Aubameyang dhe Alexandre Lacazette.
Topçinjtë arritën objektivin kryesor, Gabriel Jesus nga Manchester City pasi të dy klubet ranë dakord për një transferim me vlerë 45 milionë funte.
Klubit të Londrës veriore iu ofrua shansi për të sjellë një tjetër qendërsulmues më herët gjatë verës, Icardi i PSG-së, transmetojnë mediumet ndërkombëtare.
29-vjeçari fillimisht iu bashkua kampionëve të Francës në formë huazimi nga Interi në vitin 2019 përpara se transferimi të bëhej i përhershëm në vitin 2020.
Icardi ka luftuar për starte të rregullta në një skuadër që krenohet me superyjet si Kylian Mbappe, Neymar dhe Lionel Messi.
Eksperti i transferimeve, Fabrizio Romano raporton se klubi i Londrës veriore vendosi të mos e ndiqte argjentinasin pasi ata ishin të fokusuar te Jezusi.
“Arsenali ka pasur shumë mundësi që i ka refuzuar, por kjo ndodh në të gjitha klubet kryesore çdo ditë”, ka shkruar Romano në rubrikën e tij për “Caught Offside”.
“Për shembull, Mauro Icardi ishte një opsion që iu ofrua klubit në muajt e fundit dhe u vendos që të mos vazhdohej sepse ata po kërkonin një sulmues tjetër, Edu e ka pasur gjithmonë në mendje Gabriel Jesusin si prioritet.