“Asnjë kurorë s’më ndryshon si person” – vajza që u shpall Miss Universe Kosova

"Asnjë kurorë s'më ndryshon si person, jam e njëjta”, ka thënë Edona Bajrami - vajza që u shpall Miss Universe Kosova 2024

Edona Bajrami u shpall Miss Universe Kosova 2024.

Ajo rrëmbeu kurorën e më të bukurës dhe kështu u bë vajza që do të përfaqësojë Kosovën në Miss Universe 2024 në Nikaragua.

Ajo është 36 vjeçare dhe jeton në New York.

Në emisionin “Reload” në RTV Dukagjini, Bajrami ka treguar se asnjëherë nuk ka qenë e interesuar të jetë pjesë e kësaj bote, por që sipas saj jeta është e paparashikueshme.

Ajo thotë se nuk ka qenë as ëndërr e saj të bëhet miss, ndonëse ftesa kishte prej që e re në moshë.

“Nuk ka qenë as në idetë e mia, as plan, as ëndërr. Kam pasë ftesa prej që e mbaj veten mend, por nuk kam qenë e interesuar asnjëherë”, ka thënë Bajrami.

Ajo ka rrëfyer se si iu mbush mendja që të jetë pjesë e kësaj eksperience ku e gjitha nisi nga edicioni i “Nëntorit Shqiptar në New York”, ku edhe iu bë ftesa.

“Ishte nëntori shqiptar në vitin e kaluar në New York, ishin ftuar fytyra publike. M’u afruan më pyetën më thanë se duhet të vish për Miss Universe Albania. E lamë atë bisedë. Përfundoi mbramja, më kontaktuan nesër. Më thanë është eksperiencë e mirë pavarësisht rezultatit në fund, mëson shumë gjëra. Në fakt, mësova shumë gjëra, u mësova si të eci. U thashë se pikë së pari s’jam e interesume, së dyti nuk e plotësoj kriterin e moshës. Por të nesërmen më thirrën e më thanë se e kanë larguar limitin e moshës, aty thashë qenka e shkrume me nisë këtë eksperiencë. Fillova të flas me familje e me shoqëri dhe ja ku jam”, ka rrëfyer Bajrami.

Ajo thotë se kjo eksperiencë për të ka qenë mjaft e mirë ndonëse e lodhshme, duke shtuar se kurora nuk e ka ndryshuar si person.

“Asnjë kurorë s’më ndryshon si person, jam e njëjta”, ka vijuar Bajrami.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika