A e dini se shumë nga skulpturat e mermerit të bardhë që shihni në galeritë greke dhe romake ishin të pikturuara fillimisht.
Muzeu i Arteve të Bukura në Boston, tregon për teknologjinë e fundit që Muzeu po përdor për të bërë zbulime të reja në lidhje me pamjen e skulpturave antike.
Katie Hanson – Muzeu i arteve të bukura
“Nëse keni qenë në një muze arti atëherë me siguri keni parë mermer të bardhë në skulptura si këto. Por, ju mund të mos e dini se e gjithë kjo është një mermer bosh i bardhë, i cili fillimisht ishte i mbuluar me ngjyrë të ndritshme. Artistët dhe studiuesit e kanë njohur këtë metodë prej kohësh, kjo nga tekstet dhe përshkrimet e lashta. Mirëpo, nganjëherë mbetjet arkeologjike ruajnë gjurmët e dukshme të ngjyrave që quhet polikromi”, ka thënë Katie Hanson nga Muzeu i arteve të bukura.
Muzeu është duke hulumtuar ngjyrat e këtyre skulpturave dhe duke u munduar që t’i rindertojë ato, që i takojnë vitit 1891.
“Skulpturat dhe gjithë veprat e Athinës së lashtë, janë ato në të cilat mund të bësh hulumtime të thella, për shkak të strukturës së tyre. Nëse i shikoni nga afër, disa nga origjinalet, pigmentët janë të dukshme, se si kanë mbetur ngjyrat e pikturave në to. Ju duhet t’i shikoni vërtet nga afër për të kuptuar. Fillimisht duhet të fotografohen, duke përdorur dritat dhe filtrat, që të gjurmoni më lehtë. Më pas u zbulua pigmenti i njohur egjiptian blu. Kjo tregon që këto vepra historike paraprakisht ishin të pikturuara”, ka shtuar Hanson.
Ky proces zbuloi shumë gjëra interesante. U bë e ditur se vizatimet fillimisht janë bërë vetëm me një vijë të trashë.
Kështu Muzeu i Arteve të Bukura në Boston, ka zbuluar se disa nga veprat e lashta, sidomos të Athinës antike, fillimisht janë pikturuar e më pas janë kthyer në skulptura.
