Televizioni Klan Kosova ka bërë të ditur largimin e Atilla Kardesh nga shtëpia e Big Brother VIP Kosova 3, duke transmetuar pamjet e momentit të largimit të tij.
Për hyrjen e tij në shtëpi, ka pasur shumë reagime në publik, madje këtë të martë kishte reaguar edhe Ministria e Drejtësisë, për shkak se i njëjti kishte qenë i akuzuar për dhunë në familje nga ish gruaja e tij, Drenusha Latifi
Koordinatorja Kombëtare dhe e Grupit Ndërministror Kundër Dhunës në Familje, Dhunës ndaj Grave dhe Dhunës me Bazë Gjinore, gjatë ditës së martë në një reagim të detajuar e të postuar në faqen e Ministrisë së Drejtësisë së Republikës së Kosovës, i kishte kërkuar Klan Kosovës që ta largoj Atilla Kardesh nga formati “Big Brother”.