ATK-ja për një javë grumbulloi 1 milion e 157 mijë euro borxhe
Administrata Tatimore e Kosovës, përmes një komunikate ka njoftuar se nga aksioni i zhvilluar i javës së kaluar në 29 subjekte biznesore ka mbledhur të hyra mbi 1 milion euro. Ne kuadër të këtij aksioni kanë bërë inkasim të borxhit total, si dhe inkasim me paradhënie në kuadër të marrëveshjeve që tatimpaguesit kanë hyrë me […]
Administrata Tatimore e Kosovës, përmes një komunikate ka njoftuar se nga aksioni i zhvilluar i javës së kaluar në 29 subjekte biznesore ka mbledhur të hyra mbi 1 milion euro.
Ne kuadër të këtij aksioni kanë bërë inkasim të borxhit total, si dhe inkasim me paradhënie në kuadër të marrëveshjeve që tatimpaguesit kanë hyrë me ATK-në, thuhet ndër të tjera në njoftimin zyrtar.
“Stafi i Mbledhjes së Detyrueshme mbetet i përkushtuar maksimalisht në trajtimin dhe mbledhjen e borxheve, duke ndërmarrë të gjitha procedurat e mbledhjes së detyrueshme, deri te konfiskimi i pasurisë dhe kallëzimi penal, për të gjithë ata tatimpagues që nuk i kryejnë obligimet tatimore, të cilat dalin nga Legjislacioni Tatimor”.
“Trendi rritës i të hyrave vazhdon ta dominojë inkasimin edhe për periudhën janar-tetor 2022, ku përtej planit jemi për 12.9 milionë euro apo 2.1%. Përderisa, vlera totale e inkasimit shkon në 623.6 milionë euro tatime. Ndërsa, në krahasim me periudhën e njëjtë të vitit të kaluar kemi rritje për 111.1 milionë euro apo 21.7%”, thuhet në njoftim Administrata Tatimore e Kosovës.
Vlerësim për rritje dyshifrore të të hyrave së fundi ATK-ja ka marrë edhe nga raportet ndërkombëtare, si ai nga Komisioni Evropian dhe PEFA. Në këto raporte theksohet se progres i mirë është bërë gjatë periudhës raportuese në lidhje me mbledhjen e tatimeve, ku të ardhurat e përgjithshme për vitin fiskal 2021 ishin 19% më të larta se në vitin 2020 (të hyrat e përgjithshme, ATK & Doganë).
















