Australia u bë të mërkurën vendi i parë që ndaloi mediat sociale për fëmijët nën 16 vjeç, duke bllokuar aksesin në mediat sociale.
Ky veprim është mirëpritur nga shumë prindër dhe avokatë të fëmijëve, por i kritikuar nga kompanitë kryesore të teknologjisë dhe avokatët e lirisë së fjalës, shkruan Reuters, transmeton Dukagjini.
Duke filluar nga mesnata, 10 nga platformat më të mëdha, përfshirë TikTok, YouTube i Alphabet (GOOGL.O), Instagram dhe Facebook u urdhëruan të bllokojnë fëmijët ose të përballen me gjoba deri në 49.5 milionë dollarë australianë sipas ligjit të ri, i cili po monitorohet nga afër nga rregullatorët në të gjithë botën.
Kryeministri i Australisë, Anthony Albanese, e quajti këtë “një ditë krenarie” për familjet dhe e cilësoi ligjin si provë se politikëbërësit mund të frenojnë dëmet në internet që kanë tejkaluar masat tradicionale mbrojtëse.
“Kjo do të bëjë një ndryshim të madh. Është një nga ndryshimet më të mëdha shoqërore dhe kulturore me të cilat është përballur kombi ynë”, tha Albanese në një konferencë për shtyp të mërkurën.
“Është një reformë e thellë që do të vazhdojë të jehojë në të gjithë botën”.
Në një videomesazh, Albanese u bëri thirrje fëmijëve të “fillojnë një sport të ri, një luajnë një instrument të ri ose të lexojnë atë libër që ka qëndruar aty për ca kohë në raftin tuaj”, përpara pushimeve verore të shkollës në Australi që fillojnë më vonë këtë muaj.
Meta nis fshirjen e fëmijëve nën 16 vjeç nga Instagram dhe Facebook në Australi